English | नेपाली
Paatsala किन?
Paatsala एउटा सरल सोचबाट सुरु भएको हो — क्यानाबिसबारे भरपर्दो शिक्षा सबैका लागि सहज बनाउने।
नेपाल र यस क्षेत्रका देशहरूमा क्यानाबिससम्बन्धी नीति र अवसरहरू परिवर्तन हुँदै जाँदा, मानिसहरूलाई जानकारी मात्र पर्याप्त हुँदैन। सिक्ने ठाउँ चाहिन्छ। भरपर्दा स्रोत चाहिन्छन्। प्रश्न सोध्ने र यस क्षेत्रमा काम गरिरहेका अरू मानिसहरूसँग जोडिने अवसर चाहिन्छ।
Paatsala त्यही ठाउँ बनाउने प्रयास हो।
नाम
Paatsala. पातशाला.
Paatsala एउटा नयाँ शब्द हो।
यो पात र पाठशाला मिलेर बनेको हो —
पात + पाठशाला = पातशाला।
हामीलाई यस क्षेत्रको माटोसँग जोडिएको र सिकाइसँग सम्बन्धित नाम चाहिएको थियो। सुन्दा परिचित, तर आफ्नै पहिचान बनाउन सक्ने नयाँ नाम।
त्यही नाम बन्यो — Paatsala.
हाम्रो उद्देश्य
शिक्षा – स्रोत – सञ्जाल
Paatsala शिक्षाबाट सुरु हुन्छ। तर यसको यात्रा कोर्समा मात्र सीमित हुँदैन।
शिक्षा
आधारभूत ज्ञान निःशुल्क सिक्नुहोस्। आफ्नो रुचि बढ्दै जाँदा सम्बन्धित विषयमा अझ गहिरो अध्ययन गर्नुहोस्।
स्रोत
अनुसन्धान, प्रमाण, सन्दर्भ र व्यवहारमा उपयोगी सामग्रीहरू यहाँ पाउनुहोस्।
नेटवर्क
सिक्दै, अनुसन्धान गर्दै, खेती गर्दै, व्यवसाय गर्दै वा क्यानाबिसका विभिन्न क्षेत्रमा काम गरिरहेका मानिसहरूसँग जोडिनुहोस्।
सिकेको कुरा काम लाग्नुपर्छ।
राम्रो प्रश्न सोध्नुहोस्। सही निर्णय लिनुहोस्। नयाँ सीप सिक्नुहोस्। नयाँ मानिसहरूसँग जोडिनुहोस्। अनि सिकेको कुरा आफ्नो काम र अवसरमा प्रयोग गर्नुहोस्।
शिक्षा निःशुल्क राखौं
Paatsala Fundamentals सबैका लागि निःशुल्क छ। हामी यसलाई यस्तै राख्न चाहन्छौं।
व्यक्ति, व्यवसाय र संस्थाहरूले निःशुल्क बहुभाषिक शिक्षा विकास गर्न, अनुसन्धानलाई सहयोग गर्न र उदीयमान क्यानाबिस समुदायहरूलाई जोड्न हामीलाई सहयोग गर्न सक्छन्।
तपाईंको सहयोगले यी काममा मद्दत गर्न सक्छ:
निःशुल्क पाठ्यक्रम · नेपाली र अंग्रेजी सामग्री · अनुसन्धान · विद्यार्थी स्रोत सामग्री · प्रमाणपत्र · सामुदायिक सिकाइ
पातशालालाई सहयोग गर्नुहोस् →
पातशालालाई सहयोग गर्नुहोस्
हाम्रा सहयोगीहरू
ज्ञान सबैको पहुँचमा हुनुपर्छ भन्ने विश्वास गर्ने व्यक्ति र संस्थाहरूको सहयोगले पातशाला सम्भव भएको हो।
यहाँ हामी निःशुल्क शिक्षा, अनुसन्धान र समुदाय निर्माणमा सहयोग गर्ने व्यक्ति, व्यवसाय र संस्थाहरूलाई सम्मानका साथ उल्लेख गर्छौं.